Mos përdorni letër

Sipas disa vlerësimeve të kryera, një punonjës mesatar përdor rreth 10,000 copëza letrash çdo vit. Merrni në konsideratë ato praktika në biznesin tuaj të cilat nuk përfshijnë përdorimin e letrës, duke i bërë të gjitha veprimet tuaja financiare nëpërmjet aplikacioneve dixhitale dhe në formë elektronike dhe jo me letër. Mospërdorimi i letrave jo vetëm që ndihmon mjedisin, por do t’ju ndihmojë edhe juve gjithashtu që të kurseni para nga blerja e artikujve kancelarik gjithashtu.

Përdorni llampa ekonomike (miqësore ndaj mjedisit)

Megjithëse, llampat LED kanë kohë që janë në qarkullim, shumë pronarë biznesesh nuk e kuptojnë potencialin e kursimit të kostove. Llampat LED përdorin deri në 80% më pak energji sesa llampat e zakonshme inkandeshente (që do t’ju ndihmojë për kursimin me faturat e energjsë elektrike) dhe që mund të zgjasin deri në 25 herë më gjatë sesa llampat e zakonshme. Përdorimi i llampave LED do të jetë një investim i gjelbër për biznesin tuaj, dhe ju do të shpenzoni më pak para për zëvendësimin e tyre me kalimin e kohës.

Zëvendësoni pajisjet e vjetra

Blerja dhe përdorimi i pajisjeve me cilësi shumë të lartë, gjithashtu do t’ju ndihmojnë për të kursyer me  faturat e energjisë. Nëse është e nevojshme, auditoni kompjuterat dhe printerat dhe krijoni një plan për zëvendësimin e tyre. Nëse nuk keni mundësi që t’i zëvendësoni të gjitha pajisjet menjëherë, ju mund ta bëni këtë një nga një.

Investoni në sistemin e filtrimit të ujit të pijshëm

Në vend të përdorimit të ujit të blerë, ju mund të mendoni për shkurtimin e këtyre kostove duke investuar në sistemet e filtrimit të ujit të rubinetit për biznesin tuaj. Këto sisteme mund ta filtrojnë ujin e rubinetit me efektivitet duke e bërë konsumimin e ujit edhe të sigurt.

Angazhoni punonjësit në zbatimin e praktikave të gjelbra

Kërkojini punonjësve tuaj që me përfundimin e punës t’i kalojnë kompjuterat e tyre në opsionin e kursimit, si edhe hiqni nga prizat laptopët apo telefonat celular pasi ato të jenë karikuar plotësisht.

Informoni klientët mbi praktikat tuaja të biznesit

Mbani në mendje se praktikat e gjelbra të biznesit mund të ndihmojnë kompaninë tuaj në ndërtimin e një imazh publik pozitiv, duke ju sjellë potencialisht edhe më shumë klientë. Mos e anashkaloni promovimin e praktikave të cilat janë miqësore ndaj mjedisit në faqen tuaj të internetit dhe/ose në median sociale, në mënyrë që klientët tuaj të jenë të ndërgjegjshëm mbi angazhimet tuaja.

Duke ndjekur këto hapa, ju mund të prioritizoni praktikat e gjelbra që janë më të përshtatshme për biznesin tuaj dhe gjithashtu do t’ju ndihmojnë që të kurseni më shumë para në një periudhë më afatgjatë.