Gratë shtatëzëna dhe COVID-19: një rrugëtim më i vështirë

Në fillim lajmet e mira: Sipas dijeve aktuale, një proporcion i madh i grave shtatëzëna (mbi 85%) nëpër botë me COVID-19 kanë pasur simptoma të lehta apo të moderuara, të ngjashme me ato si të infeksionit të gripit. Megjithatë, historitë e rënda të COVID-19 të cilat kanë kërkuar shtrim në spital apo kujdes intensiv janë dy herë më të larta tek gratë shtatëzëna krahasuar me gratë jo shtatëzëna. Për më tepër, infeksioni COVID-19 në shtatëzani rrit riskun e lindjes së parakohshme dhe ndoshta rrit gjithashtu edhe riskun për të pasur një presion të lartë të gjakut dhe shenja të dëmtimeve të sistemit të një organi tjetër, më shpesh të mëlçisë dhe të veshkave – një formë hipertensioni i veçantë.

Mbrojtja e rëndësishme për gratë shtatëzëna

Rrjedhimisht, është veçanërisht e rëndësishme që gratë shtatëzëna të respektojnë higjienën e përgjithshme dhe masat e distancimit social. Ekspertët rekomandojnë gjithashtu që personat e afërt të kontaktit të grave shatëzëna të tillë si partneri apo gjyshërit e ardhshëm, duhet të vaksinohen në çdo rast.

Vaksinimi COVID-19 në shtatëzani

Të dhënat tregojnë se, më shumë sesa 35,000 gra shtatëzëna në Shtetet e Bashkuara të Amerikës të cilat janë vaksinuar me vaksinsat mRNA nuk tregojnë asnjë risk lidhur me sigurinë e shëndetit të tyre. Mbështetur në të dhënat më të reja, rekomandohet vaksinimi COVID-19 me vaksinën mRNA për gratë shtatëzëna. Tani gratë shtatëzëna renditen si prioriteti i tretë. Gratë shtatëzëna, veçanërisht në tremujorin e dytë dhe të tretë, si edhe të afërimit e familjes së grave shtatëzëna, duhet të kenë prioritet në vaksinim. Gjithashtu rekomandohet që gratë në fazën e planifikimit të shtatëzanisë të kryejnë vaksinimin rreth një muaj përpara një shtatëzanie të planifikuar, ku edhe dozae dytë duhet të jetë administruar deri në atë kohë.

COVID-19 në shtatëzani dhe ushqimi me gji: është mirë të dini këtë….

Nuk është kuptuar ende plotësisht nëse COVID-19 mund të transferohet tek fetusi apo i sapolinduri gjatë shtatëzanisë apo ushqyerjes me gji. Lindja vaginale normale është gjithashtu e mundur nëse dyshohet apo është konfirmuar infeksioni COVID-19, vetëm nëse ka ndonjë arsye mjekësore tjetër kundër saj. Nëse gruaja shtatëzënë vuan nga COVID-19 gjatë lindjes, materiniteti duhet të ndërmarrë të gjitha masat parandaluese për reduktimin e riskut të infeksionit për të sapolindurin gjatë dhe pas lindjes. Këto varen, midis të tjerash, mbi se sa të ashpra janë simptomat e nënës. Në parim, avantazhet e ushqyerjes me gji pritet që t’i tejkalojnë risqet potenciale të transferimit të COVID-19.