Çdo lloj varësie, simptomat e lodhjes, humbja e libidos dhe pasoja të tjera negative të cilat mund t’i shfaqen duhanprirësve që po përpiqen ta lënë duhanin ditë pas dite, mund t’ia bëjnë edhe më të vështirë ndalimin e besueshëm dhe të qëndrueshëm të duhanpirjes. Neurotoksina është shumë e fuqishme dhe joshëse.

Nikotina: normalja e re

Duhanpirësit ndjehen në defiçit konstant deri në çastin kur do të kenë marrë dozën e tyre të rradhës së nikotinës. Ata kanë nevojë për nikotinë që të ndjehen normal. Ajo që kërkojnë duhanpirësit në të vërtetë këtu nuk është kënaqësia, por ata këkrojnë që të ndjeheni më pak keq. Por edhe nëse i dimë të gjithë këto faktorë, gjithsesi është e vështirë që të arrihet në një vendim për të hedhur hapin e fundit. Shumica e tyre tashmë kanë provuar disa gjëra dhe ato nuk kanë funksionuar. Kështu që, është mëse e qartë se: nevojitet një strategji plotësisht e re.

Hapi i parë për këtë: një angazhim i qartë. Kjo do të thotë: lufta kundër çdo varësie ka nevojë për motivim të vërtetë: Bëjini vetes këtë pyetje: Cilat janë arsyet e mia? Dhe më pas, pyeteni veten sërish. Për sa kohë që nuk e di njëqind përqind përsenë time, unë nuk do të ndaloj.

Kështu që, është e rëndësishme që të merreni në thellësi dhe me ndershmëri me sfidën që i keni caktuar vetes suaj. Ndoshta ju mund të mendoni lidhur me këtë gjatë një shëtitje. Me qetësi. Sepse, sipas ekspertëve, ju do të keni nevojë për këto dy apo tre arsye për të pasur mbështetjen e plotë për të cilën do të keni nevojë. Dhe pastaj ju duhet të jeni mjaftueshëm të fortë për të zbatuar angazhimin tuaj.

Tregohuni të butë me veten

Hapat prapa janë diçka krejt normale. Ajo që është e rëndësishme është mëyra se si trajtoni vetveten. Nëse ju do ta trajtoni veten keq kjo është diçka që do të dobësojë fuqinë tuaj vepruese dhe vullnetin tuaj. Përfundimi: Tregohuni sa më miqësorë me veten tuaj edhe nëse ndjeni se jeni duke bërë hapa prapa. Për shembull, ju mund të zhvilloni vet trajtimin për vetveten në formën e mantrave pozitive – për shembull – “Tani nuk është e lehtë, por unë do t’ia dal.” Apo “Unë nuk jam i vetmi që po përballem me një sfidë të tillë.”

Meditimi i përditshëm mund t’ju ndihmojë gjithashtu – madje edhe për disa minuta

Kushtojini vetves disa minuta gjatë të cilave të mund të përdorni në mënyrë të vetëdijshme tre shqisat tuaja – të parit, të dëgjuarit dhe të ndjerit. Kushtojini vëmendje këtij çasti dhe bëni një pushim. Gabimi që bëhet shpesh në meditim është se ai duhet të jetë relaksues. Por kjo nuk është e vërtetë. Sepse, para së gjithash meditimi është ushtrim. Sigurisht, efekti anësor mund të jetë edhe relaksimi. Megjithatë, ju duhet të përqëndroheni dhe të jeni të qëndrueshëm lidhur me praktikimin e tij edhe nëse herë pas here mund të mendoni se është diçka e padobishme.