Për të arritur peshën e dëshiruar në një periudhë afatgjatë, ne kemi nevojë për kokën tonë, për intelektin tonë. Dhe mbi të gjitha, ne duhet që t’i kthejmë ato në bashkëpunëtorët tanë sepse pa përfshirjen e tyre ne nuk mund t’ia dalim.

E para dhe më e rëndësishmja janë pyetjet që duhet t’i bëni vetes për ta kthyer dëshirën tuaj nga një objektiv dhe në një vendim të vërtetë. A dëshiroj unë që të dobësohem me të vërtetë? Përse dua që të dobësohem? Cili është premtimi që do t’i bëj vetvetes për dobësimin? Çfarë do të ndryshojë dobësimi për mua? Ata persona të cilët mund t’i përgjigjen me qartësi këtyre pyetjeve tashmë e kanë hedhur hapin e tyre të parë më të rëndësishëm. Nëse kërkoni që të dobësoheni, ju duhët të përfshiheni me të vërtetë në këtë rrugë, të keni një plan të mirë dhe të strukturuar që funksionon vetëm nëse dini arsyet se përse jeni duke e bërë diçka të tillë.

Ushqimi është një mik, jo një armik       

Teksa shumë gjëra rrjedhin njëkohësisht dhe me dinamizëm në jetët tona – mendja dhe sjellja jonë e të ngrënit shpesh përfshin impulse të cilat mund të na bëjnë që të konsumojmë shumë ushqime apo që të konsumojmë ushqimet e gabuara.

Dëshira dhe nxitja për të ngrënë mund të kenë shumë shpejt një efekt negativ mbi peshën tonë. Shpesh ne kemi zakone të këqia të cilat na bëjnë që ta bojkotojmë procesin e dobësimit tonë, duke na bërë më pas që të ndjehemi keq për dështimin tonë sërish. Dhe, më pas, ne e ngushëllojmë veten duke ngrënë sërish ushqim.

Për të dalë nga kjo dinamikë, shpirti ynë duhet kthyer në partnerin tonë dhe në fillim diçka e tillë kërkon që ne t’i rimendojmë gjërat: “Ushqimi është miku ynë, jo armiku ynë. Nëse ne i njohim forcat dhe dobësitë tona individuale, ne mund të mësojmë që të përballemi me këtë sfidë në një periudhë afatgjatë dhe të gjejmë formën e duhur të vetushqyerjes sonë.”

Shpesh njerëzit që këkrojnë të dobësohen mendojnë për sakrificën dhe urinë. Rënia në peshë funksionon me ushqimin, por me zgjedhjen e ushqimit të duhur. Dhe se çfarë është ushqimi i duhur është diçka shumë individuale. Askush nuk e di më mirë sesa ju se çfarë është më e mira për ju.

Cila është gjëja më e mirë për mua? Çfarë më pëlqen?

Në një plan dobësimi funksionale në një periudhë afatgjatë, më kryesorja janë ushqimet që ju pëlqeni me të vërtetë shumë. Të heqësh dotë në mënyrë të vazhdueshme thjesht nuk funksionon në një periudhë afatgjatë: “Për t’u dobësuar, ju nuk keni nevojë vetëm për 100% angazhim, por gjithashtu për një plan të zgjuar që merr në konsideratë jo vetëm moshën, shëndetin dhe përgatitjen tuaj fizike, por gjithashtu edhe kushtet tuaja të jetesës. Po aq të rëndësishme janë preferencat tuaja individuale.

Në fillim, ju duhet të mësoni se çfarë është më e mira për ju, çfarë mund të përdorni për t’u dobësuar, por ndryshimi në dietën tuaj ushqimore duhet të përjetohet gjithashtu si diçka e këndshme. Vetëm atëherë do të jeni të kënaqur, do të jeni në humor të mirë dhe mbi të gjitha, do të jeni aty ku duhet.