“Pas katër javësh, nuk e ndjej ende normal trupin tim, jam e ezauruar dhe me merret fryma shumë shpejt,” thotë një doktoreshë e kujdesit intensiv që po rikuperohet nga COVID-19. Dhe ajo nuk është e vetme në këtë. Shumë njerëz që kanë qenë të sëmurë më parë ndjehen njësoj. Edhe me sëmundje të tjera të krahasueshme me këtë të cilat nuk kërkojnë shtrim në spital, duhen disa javë apo madje edhe muaj në mënyrë që ata që kanë qenë të prekur të ndjehen plotësisht të shëndetshëm sërish.

Studimi i pasojave afatgjata nga COVID

Për atë që përcaktohet si “rikuperim i paplotë dhe pamundësia për t’u rikthyer në një gjendje normale të shëndetshme” dhe së cilës i referohemi si “COVID afatgjatë”, “COVID-19 post-akut” apo “sindroma post-COVID” nuk janë realizuar ende kërkimet e duhura. Deri tani nuk është ende e qartë nëse simptomat këmbëngulëse pas një sëmundje me COVID-19 përfaqësojnë në fakt një sindromë të përcaktuar qartësisht, por të gjitha atë vuajnë nga lodhja, që u merret fryma, apo që ndjehen të dëshpëruar nga COVID-19 nuk duan t’ia dinë.

Ankesat e variueshme

Duke parë situatën e të dhënave bazuar në rritjen e numrit të studimeve ankesat renditen si më poshtë. Këto ankesa u zhvilluan gjatë sëmundjes akute dhe vazhduan për më shumë se sa 12 javë:

1. Lodhje (15-87%) 
2. Marrje fryme (10-71%) 
3. Dhimbje apo ngushtim të gjoksit (12-44%) 
4. Kollë (17-26%). 

Gama e gjerë e shpeshtësisë rezulton nga studime të ndryshme dhe këtu janë të përfshira edhe të dhëna nga rastet me një rrjedhë të zbutur, të moderuar apo të ashpër të sëmundjes.

Nga dhimbja e kokës deri tek sytë e tharë

Ankesat fizike më pak të zakonshme afatgjata janë: humbje të nuhatjes, dhimbje gjymtyrësh, dhimbje koke, thatësi të syve, dhimbje muskujsh, çrregullime gjumi, rënie flokësh, djersitje dhe diarre. Pra thuajse gjithçka që mund të shkaktojë probleme fizike. Rrjedhimisht, shpesh është e vështirë, madje edhe e pamundur për të përjashtuar një shkak tjetër (shtesë) për simptomat.

Psiqika dhe shpirti

Dëmtimet mendore dhe konjitive ndodhin gjithashtu tek shumë prej atyre që tashmë janë rikuperuar nga COVID-19 si shoqërues afatgjatë. Në një studim me 100 pacientë që sapo ishin nxjerrë nga spitali, 24% e pjesëmarrësve deklaruan se, ata vuanin nga çrregullimi i stresit post-traumatik, 18% raportuan çrregullime të kujtesës, 16% dëmtim të përqëndrimit.

E rëndësishme: Ankesa të tilla mund të ndodhin në një periudhë afatgjatë edhe pas sëmundjeve të ngjashme, por kjo mundësi duket më e lartë me COVID-19. Risku i zhvillimit të depresionit, çrregullimeve të ankthit apo të sëmundjeve të tjera psikiatrike si rezultat i COVID-19, ishte më e lartë sesa me gripin sipas të dhënave nga një studim i kryer në Sh.B.A.

Kohëzgjatja e ankesave mbetet e paqartë

Pra çfarë duhet të presin ata që janë të prekur? Sa kohë duhet që pacientët post-COVID të arrijnë rikuperimin e plotë dhe lirinë nga simptomat? Rezultatet e studimeve të disponueshme deri më tani janë të ndryshueshme dhe për pasojë ne nuk mund të dalim me deklarata të besueshme. Megjithatë, shumicën e kohës, rikuperimi i plotë kërkon deri në tre muaj.