Çfarë duhet të bëni PËRPARA një tërmeti

• Sigurohuni që të keni në shtëpinë tuaj nga një: shuarës zjarri, kuti të ndihmës së shpejtë, radio me bateri, elektrik dore dhe bateri të ekstra.
• Fikni tubacionet e gazit, rrubinetat e ujit dhe hiqni prizat që furnizohen me energji elektrike.
• Bëni një plan se ku të takoheni me familjen tuaj pas tërmetit.
• Mos lini objekte të rënda në rafte sepse ato do të bien gjatë lëkundjeve të tërmetit.
• Mbështetini mobiliet si dollapë apo rafte të rënda dhe pajisje të tjera që mund të lëvizin, afër murit ose nëse i keni të vendosura në lartësi zbritini në dysheme.
• Mësoni planin e emergjencave mbi se cilat hapa duhet të ndiqni në rast se bie tërmet në shkollë ose në punën tuaj.

Çfarë duhet të bëni GJATË termetit

• Ruani qetësinë! Nëse jeni brenda shtëpisë, qëndroni brenda! Nëse jeni jashtë shtëpisë, qëndroni jashtë.
• Nëse jeni brenda, qëndroni përkundrejt një faqeje muri afër qendrës së ndërtesës, qëndroni në pragje dyersh, ose futuni poshtë mobilieve të rënda si p.sh., poshtë një tavoline.
• Qëndroni larg dritareve dhe jashtë dyerve.
• Nëse jeni jashtë, qëndroni larg linjave të energjisë elektrike ose larg çdo gjëje që mund të bie dhe t’ju zërë poshtë.
• Qëndroni larg ndërtesave të tjera sepse prej andej mund të bien gjëra nga ndërtesa ose vet ndërtesa mund të bie mbi ju.
• Mos përdorni shkrepse, qirinj, apo ndonjë metodë tjetër për ndezje zjarri sepse ato mund të përzihen tubacionet e prishura të gazit.
• Nëse jeni në një makinë, ndaloni makinën dhe qëndroni brenda makinës deri sa tërmeti të ndalojë.
• Mos përdorni ashënsorët (sepse ato mund të ngecin dhe/ose do të ndalen automatikisht).

Çfarë të bëni PAS tërmetit

• Kontrolloni veten dhe të tjerët afër jush nëse janë plagosur. Jipini ndihmën e parë atyre që kanë nevojë për të.  
• Kontrolloni rrubinetat e ujit, tubacionet e gazit dhe linjat e furnizimit me energji elektrike për ndonjë dëmtim të mundshëm.
• Kontrolloni nëse ndjeni aromë gazi. Nëse ndjeni aromë gazi, hapini të gjitha dritaret dhe dyert menjëherë dhe lërini ato të hapura. Gjithashtu njoftoni edhe autoritetet përkatëse.
• Ndizni TV/Radio-n. Mos e përdorni telefonin vetëm në rast se do të keni një urgjencë.
• Qëndroni jashtë dhe larg godinave të dëmtuara.
• Kini kujdes nga xhamat ose copëzat e thyera të xhamave. Vishni çizme ose këpucë të forta që të mos çani këmbët.
• Kini kujdes nga oxhaqet sepse nëse do të keni të tillë afër jush ato mund të bien mbi ju.
• Qëndroni larg plazheve sepse p.sh., në rast tsunami, dallgët e mëdha që krijohen si pasojë e tërmetit në det godasin pasi toka ka ndaluar së lëkunduri.
• Qëndroni larg zonave të dëmtuara.
• Nëse jeni në shkollë ose në punë, ndiqni udhëzimet e planit të emergjencave dhe këshillat e personelit të sigurisë.
• Jini të vetëdijshëm dhe prisni që të ketë edhe pasgoditje pas tërmetit të parë.