Treni ekspres i quajtur jetë ka një buton ndal: Meditimi mund të ndihmojë në ngadalësimin e jetës sërish dhe perceptimit të saj me vetëdije. “Në thelb, ajo ka të bëjë me kalimin në kompandën e autopilotit dhe për të qenë më të kujdesshëm. Ka opsione formale të tilla si meditimi dhe trajnimi i frymëmarrjes ose praktika informale të cilat janë të paranishme në jetëm tonë të përditshme.

Trupi, ndjenjat dhe mendimet

Ju mund të fokusoheni më shumë tek trupi juaj. Si ndjehet ai sot? A jam i/e tensionuar? Me çfarë e ushqej veten çdo ditë (cilat ushqime, çfarë konsumi, çfarë informacioni…) dhe çfarë më bën ai mua? Ndjenjat gjithashtu mund të perceptohen me vetëdije dhe të emërohen qartësisht.

Nëse ju dëshironi që të ndalni autopilotin tuaj të brendshëm, ju duhet të bëni një lloj “inventari mendimesh”. Pyetjet që sugjerohen janë: “Çfarë mendoj unë për atë që ndodh jashtë? Çfarë mendoj unë edhe pse nuk ndodh asgjë jashtë? Ku jam unë me mendimet e mia, në të ardhmen, në të shkuarën? A janë ato mendime të këndshme apo të pakëndshme?”

Një qëndrim thelbësor, por vazhdimisht dashamirës kundrejt vet kaosit të kokës suaj është thelbësor: kështu janë gjërat.

Çfarë po ndodh rrotull meje

Vëzhgoni në vend që të vlerësoni. Kjo përqasje është mësuar në Budizëm për një arsye të mirë për 2,500 vjet. Nëse unë vëzhgoj në një mënyrë më të relaksuar, unë mund ta peshoj më mirë se si dua që të reagoj. Një qëndrim i vetëdijshëm na bën pozitivisht më të pranishëm dhe më efektiv në vendimet dhe veprimet tona. Dhe gjithashtu edhe më të lumtur.

5 ushtrime për trajnimin e meditimit

1. Meditimi duke ecur

Hidheni çdo hap me vetëdije, me qetësi, pa u nxituar. Shikoni çdo gjë të bukur që është rrotull jush.

2. Shijojeni heshtjen

Rizbuloni fuqinë dhe bukurinë e heshtjes. Në heshtje ju mund të jeni tërësisht në kontakt me vetveten. Fikini burimet e zhurmshme dhe shpërqëndrimet (të tilla si celularët) për disa minuta dhe shijoni paqen dhe qetësinë, idealisht me një ecje të shkurtër në natyrë.

3. Të ngrënit në mënyrë të vetëdijshme

Hani një vakt të shëndetshëm, ngadaltë dhe me vetëdije. Ndjeni mirënjohje për çdo gjë që ju ushqen.

4. Çdo gjë është e veçantë

Pavarësisht asaj që bëni, ju mund ta bëni atë me hijeshi dhe me frymëmarrje abdominale të relaksuar: larjen e enëve, të dhëmbëve, dushin, prerjen e perimeve…

5. Pushimet e vogla

Bëni disa pushime të shkurtra në ditë me nga 1-2 minuta. Mënyra më e mirë për ta bërë këtë është përdorimi i aleatëve natyral të ngadalësisë: dritat e kuqe të trafikut, rradha në supermarket…Nëse nuk mendoni për të, ju mund të fiksoni kujtesa të vogla në celularin tuaj. Pastaj pushoni mendërisht, merrni 3-4 frymëmarrje të ngadalta dhe të thella dhe së fundmi buzëqeshni?