Veçanërisht gjatë kohës së shkollës, truri i fëmijëve sfidohet jashtëzakonisht shumë çdo ditë sërish dhe sërish. Sipas disa këshillave të shpejta që do të gjeni këtu, ju mund të mbështesni të vegjlit tuaj dhe të kontribuoni në fuqizimin e aftësive të tyre konjitive.

Të mësuarit është një ‘sport’ me performancë të lartë për trurin. Përqëndrimi mund të trajnohet në një shkallë të lartë, duke kryer në mënyrë të koordinuar ushtrime sfiduese që kanë njëherësh efekte ndijimore dhe motorrike. Sfida qëndron tek forca mendore që duhet të përdoret dhe që përbën trajnimin bazik të aftësive konjitive të fëmijëve, të cilat përfshijnë përqëndrimin, kujtesën, krijmtarinë, si edhe të parin, të dëgjuarin dhe të ndjerit. Këto janë gjithashtu parakushtet për një të mësuar sa më të mirë dhe efektiv.

Shumë lëvizje, proceset e reja

Në thelb është shumë e rëndësishme fëmijët e shkollave dhe të kopshteve të motivohen për t’u ushtruar në mjediset e jashtme sa më shumë që të jetë e mundur, sepse që të funksionojë siç duhet truri ka nevojë për oksigjen. Këto ushtrime mund të përfshijnë, për shembull, larjen e dhëmbëve jashtë duke qëndruar me një këmbë, apo duke shkëmbyer thikën dhe pirunin vetëm me dorën tjetër dhe jo siç veproni zakonisht me të dyja duart. Këtu janë gjithashtu shumë ndihmuese vrapimi dhe lojërat që përfshijnë përdorimin e gishtërinjve. Ideale do të ishte mësimi i një instrumenti muzikor që përdor gishtërinj të ndryshëm të të dyja duarve në mënyra të ndryshme. Si mendoni për pianon, apo kitarën?

Ushqim për trurin nga mëngjesi deri në darkë

Një dallim të madh përbën gjithashtu edhe dieta ushqimore: thelbësore këtu është një mëngjes i shëndetshëm dhe i pasur, preferueshëm me karbohidrate komplekse dhe omega-3, për shembull, në formën e bukës me drithëra, arra, etj. Ndërsa, në mbrëmje rekomandohen proteina në formën e fasuleve, bishtajave etj. Proteinat e ushqimit gjithashtu janë një ushqim shumë i rëndësishëm për trurin. Kjo është mënyra më e mirë për të konsoliduar atë që keni mësuar, që do të thotë, që ta keni brendësuar dhe memorizuar atë.

Dhe më e rëndësishmja: “Vendoseni lumturinë dhe mirëqenien e fëmijëve tuaj në plan të parë. Kujdesuni që të dini me saktësi se çfarë është më e mira për ta. Më pas, strukturoni ditën me disa pushime të mjaftueshme. Dëgjojini dhe jini aty për fëmijët tuaj.