Rreth 6 vite më parë, Sonja dhe Martin Masching u erdhi ideja e zhvillimit të një produkti shëndetësor që ju mund ta keni gjithmonë me vete: të quajtur “Powerinsole”, një shtrojë me xhel me një çip të integruar që supozohet se, stimulon qelizat duke përdorur rezonancën magnetike. Sipas prodhuesve, funksionaliteti i tij mbështet kryesisht mbi parimet e biofizikës dhe të mjekësisë së energjisë. Çipi i fuqisë synon mbështetjen e efekteve të sistemeve simpatike dhe parasimpatike. Diçka e tillë do të përmirësojë gjithashtu rrjedhjen e gjakut në indet qelizore, rritjen e përmbajtjes së oksigjenit dhe rritjen e furnizimit të ushqyesve.

Më pak lodhje, rigjenerim më i shpejtë

Efekti i dëshiruar: forcimi i sistemit imunitar, përshpjetimi i proceseve shëruese dhe përmirësimi i përgjithshëm i rigjenerimit, për shembull, pasi keni bërë sport. Për të përmirësuar efektivitetin e tyre, ‘Dartsch Scientific’, një institut për testimin e sistemeve të qelizave biologjike, iu kërkua që të kryente një vlerësim. Fillimisht ata duhet të testonin reaksionet inflamatore dhe potencialin e shërimit të dëmtimeve.

Studimi para-klinik

Biokimisti Peter Dartsch: “Në fillim isha më shumë skeptik rreth këtij produkti nga një perspektivë mjekësore plotësisht tradicionale. Shpjegimet mbi parimet e biofizikës dhe të mjekësisë së energjisë nuk është se më kënaqën edhe aq shumë gjithashtu. Megjithatë, duke qene se, unë jam një njeri njëherësh kurioz dhe pragmatik, por që e kam mësuar veten që të jem mendjehapur, ne e ekzaminuam fuqinë e këtyre shtrojeve me opsionet tona të testimit.”

Rezultatet

Peter Dartsch: “Studimet e qelizave biologjike kanë treguar se “Powerinsole” stimulon rigjenerimin e qelizave me thuajse 40% dhe gjithashtu redukton oksigjenin e tepërt reaktiv në inde. Të dyja situatat janë të rëndësishme për reduktimin e pasojave si pasojë e ngarkesës fizike dhe kështu të mirëqenies. Këto janë gjetjet laboratorike me qelizat e kultivuara.”

Megjithatë, eksperti thekson gjithashtu se, kjo është sigurisht vetëm pjesërisht e transmetueshme tek një organizëm i plotë. Qeniet njerëzore funksionojnë paksa ndryshe në jetë sesa si mund të reagojnë qelizat në një testim. Në anën tjetër, rezultatet e këtyre qelizave të testuara gjithashtu treguan se, parimi funksional i “Powerinsole” ka dukshëm efekte në nivel qelizor.