Studiuesit kanë zbuluar në sipërfaqen e limfomave një kompleks proteinash që dëmtojnë qelizat kancerogjene.

Përdorimi i saktë i mekanizmit në sipërfaqen e qelizave të kancerit, çon në eleminin e tyre.

Nuk është ende e qartë se përse qelizat e kancerogjen e kanë lënë të hapur këtë “derë”. Megjithatë, studiuesit e Universitetit të Bonit dhe kolegët e tyre nga kompania amerikane Caris Life Sciences, kanë zbuluar çelësin e kësaj dere, të ashtuquajturin aptamer. I përdorur siç duhet, ai bëhet fatal për qelizat kancerogjene, bëhet e ditur në një njoftim për shtyp nga Universiteti i Bonit’*) .

Aptameret janë sekuenca të shkurtra të ADN-së që – varësisht nga radhitja e njësive ndërtimore gjenetike (nukleotide)- mund të kombinohen në forma të ndryshme. Günter Mayer, profesor i biologjisë kimike në Universitetin e Bonit dhe kolegët e tij kanë zbuluar pikërisht aptamerin e duhur.

Studiuesit duhet të studiojnë tani se përse qelizat kancerogjene mbajnë mbi sipërfaqen e tyre proteina vetë shkatërruese. Për këtë ka disa teori:

Mayer thotë se kjo mund të vijë nga fakti që proteinat në qelizat kancerogjene janë urë komunikimi me qelizat e tjera të shëndosha mënyrë kjo që shërben për përhapjen e tumorit. Derisa të qartësohet, se a mund të përdoren aptameret edhe në terapinë e trajtimit të tumorit, hulumtuesit do të kenë shumë për të bërë. “Deri tani ne i kemi testuar aptamerët vetëm në laborator”, thotë Meyer. Por ne duhet të testojmë nëse këto fragmente ADN-je do të kenë efekt edhe mbi limfomat në trupa me jetë.

Pritet testimi i substancës në gjallesa të tjera të përdorura për eksperiment dhe pas kësaj duhet të testohet dozimi i kësaj substance në një medikament.