Blog

USHTRIMET PARANDALUESE DHE USHQYERJA KUNDËR OSTEOPOROZËS NËSE DO TË QËNDRONI NË VEND, DO TË NDRYSHKENI!

Koha e leximit: 5 minuta

Guri i themelit për kocka të shëndetshme shtrohet në fëmijëri. Ata që hanë dhe ushqehen në mënyrë të shëndetshme mund të bëjnë diçka rreth osteoporozës për të gjithë jetën.

Përhapja e sëmundjes së osteoporozës

Osteoporoza është një çrregullim i zakonshëm i metabolizmit të kockave. Shpesh kockat humbasin fuqinë dhe qëndrueshmërinë e tyre pa u vënë re fare. Kjo është një humbje në kocka. Simptomat e para, të tilla si dhimbje mesi ose lëvizje të kufizuara shpesh nuk asociohen me osteoporozën. Diagnoza pason vetëm pasi është thyer kocka e parë. Trajtimi i hershëm i osteoporozës mund të reduktojë rrezikun e thyerjes së kockave më vonë.

Kocka të forta

Indet e kockave janë subjekt i mbledhjes dhe çmbledhjes konstante. Në fëmijëri dhe në adoleshencë, mbizotëron substanca e ndërtimit të kockave. Dendësia e kockave arrin maksimumin e saj rreth moshës 20-të vjeçare. Nga mosha 30-të vjeçare e tutje ka një reduktim normal të dendësisë së kockave, që mund të përshpejtohet tek gratë pas menopauzës për shkak të mungesës së estrogjenit. Sa më e lartë maja e masës së kockave, aq më e mirë do të jetë qëndrueshmëria e kockave me avancimin e moshës.

Osteoporoza: neutralizoni faktorët e rrezikut

Asnjë masë e re kockash nuk mund të ndërtohet në moshë të rritur, megjithatë, thyerja e tyre mund të vonohet. Përveç predispozitës gjentike dhe defiçienës hormonale natyrale të shkaktuar, ka shumë faktorë që mund të ndikohen nga një stil i shëndetshëm jetese: mungesa e ushtrimeve, duhanpirja, konsumimi i tepërt i alkoolit, nënpesha, mungesat në kalçium dhe vitamin D janë ngrënës të vërtetë të kockave. Megjithatë, osteoporoza mund të jetë gjithashtu rezultat i sëmundjeve të rrugëve tretëse ose terapive me ilaçe. Edhe atëherë, sa më të forta kockat, aq më e ngadaltë do të jetë thyerja e tyre. Jo të gjithë faktorët e rrezikut mund të ndikohen. Megjithatë, ka një sërë gjërash që ju mund të bëni për forcimin e kockave tuaja: qëndroni fizikisht aktiv, sigurohuni që të keni një furnizim të mjaftueshëm me kalçium dhe vitamin D dhe mos pini duhan.

Lëvizja ju mbron kundër osteoporozës

Aktivitetet sportive gjatë të cilave ne e mbajmë me vete peshën e trupit tonë, kjo është diçka që promovon shëndetitn e kockave. Këto përfshijnë ecjen, stërvitjen, ngjitjen e shkallëve, hedhjen me litar, gjimnastikën, dhe kërcimin. Megjithatë, noti dhe pedalimi nuk kanë asnjë efekt tek kockat. Ekspertët rekomandojnë ushtrimin për rreth 45 minuta 3 herë në javë. Kjo jo vetëm që parandalon humbjen në kocka, por gjithashtu përmirëson përshtatshmërinë dhe koordinimin. Një ekuilibër i mirë i trupit gjithashtu redukton rrezikun nga rrëzimi. Trajnimi i peshës gjithashtu ka një efekt pozitiv mbi shëndetin e kockave.

Nëse do të qëndroni në vend, do të ndryshkeni

Mungesa e ushtrimit në sporte është një faktor rreziku për osteoporozën: njerëzit që duhet të kalojnë ditën të ulur ose shtrirë për shkak të ndonjë sëmundjeje ndeshen me osteoporozën më shpesh sesa përsonat që janë aktiv fizikisht. Ushtrimi jo vetëm që është masa më e mirë parandaluese kundër osteoporozës, ajo gjithashtu rekomandohet si masë për reduktimin e kockave për të ngadalësuar thyerjen. Nuk është kurrë tepër vonë për të filluar trajnimin. Është e rëndësishme të adoptoni aktivitetin fizik për shëndetin, për t’i kushtuar vëmendje rrezikut të rrëzimit dhe për tu këshilluar me një doktor ose terapist përpara fillimit të trajnimit.

Ushqyerje e shëndetshme për kockat

Kockat e shëndetshme kanë nevojë për kalçium, proteina dhe për vitaminë D, në veçanti. Me një dietë të ekuilibruar ushqyerje dhe me ushtrime të mjaftueshme në ajër të pastër, nevoja për këto ushqyes do të mbulohet siç duhet.

Kalçiumi

Një dietë e pasur në kalçium duhet të na shoqërojnë gjatë gjithë jetës. Si një material ndërtues për kockat, kalçiumi tashmë luan një rol të rënmdësishëm në fëmijëri, për rritjen dhe ndërtiinm e majës së masës së kockave. Nëse ka një defiçiencë, kalçiumi ndahet nga depozita e kockave. Kërkesat ditore për fëmijët dhe të rriturit është 1000 mg, ndërsa për adoleshentët, gratë shtatëzëna, ushqyerjen me gji dhe pacientët me osteoporozë kanë kërkesa më të larta lidhur me kalçiumin (1200 mg në ditë).

Për të përmbushur kërkesat për kalçium, qumështi, kosi dhe djathi duhet të jenë në menynë tuaj çdo ditë. Qumështi i deles është veçanërisht i pasur me kalçium. Përveç produkteve të qumështit, fasulet, perimet gjethegjelbra, lulelakra, brokoli, barishtet, farat e luleve të mentes dhe të susamit janë një burim i mirë kalçiumi.

Është mirë të dini se…

Kalçiumi përodret më mirë në darkë. Rrjedhimisht, planifikoni rregullisht që të konsumoni kos ose djath në vaktin tuaj të darkës.

Vitamina D

Sa më i lartë që të jetë niveli i vitaminës D, aq më shumë kalçium mund të absorbojë trupi juaj nga ushqimi. Një defiçiencë, në krahun tjetër, çon në një përdorshmëri të ulët të kalçiumit.

Vitamina D formohet në lëkurën tonë nga ekspozimi ndaj diellit. Për një prodhim optimal të vitaminës D, ju duhet të dilni rregullisht në diell: 2 herë në javë për gjysëm ore. Lërini fytyrën, duart dhe krahët tuaj në diell. Në muajt e dimrit, kërkesat për vitaminën D ushqehen më së shumit nga furnizimet që trupi ka depozituar gjatë verës. Ekspozimi ndaj diellit ka një efekt shumë pozitiv, por kujdes sepse shumë diell përmban rrezikun e plakjes më të hershme të lëkurës suaj dhe për zhvillimin e kancerit të lëkurës. Nëse keni prova të një defiçiencë në vitaminë D, është e këshillueshme që të këshilloheni me një doktor dhe të merrni tableta vitamine D. Salmoni, vezët dhe mëlçitë janë gjithashtu të pasura në vitaminë D.

 

Çfarë i dëmton kockat?

Duhani

Duhani ngushton enët e gjakut që furnizojnë kockat me ushqyes. Absorbimi i kalçiumit mund të dëmtohet seriozisht. Nëse ndaloni së piri duhan, ju jeni duke bërë diçka të mirë për shëndetin e kockave tuaja.

Alkooli

Alkooli mund të ndërhyjë me metaboilizmin e vitaminës D dhe kështu të reduktojë absorbimin e kalçiumit. Defiçienca e kalçiumit çon në osteoporozë.

Kafja

Kafeina promovon sekretimin e kalçiumit. Megjithatë, 3 filxhanë kafe në ditë janë të sigurta.

Kripa

Sodiumi gjithashtu siguron një rritje të sekretimit të kalçiumit. Përdoreni kripën në tavolinë me masë. Me ujin mineral gjithashtu kushtojini vëmendje përmbajtjes së sodiumit: kjo duhet të jetë më pak sesa 50 mg për litër.

Acidi oksalik dhe të ngjashme

Ushqimet me bazë bimësh dhe produktet e drithërave përmbajnë shumë minerale, por gjithashtu përbërës të tillë si acidi oksalik, të cilat bashkojnë kalçiumin dhe minerale të tjera dhe parandalojnë absorbimin nga zorrët. Spinaqi, panxhari, çaji i zi, çokollata dhe kakao përmbajnë një sasi relativisht të lartë acidi oksalik.

Arkivat

SIGAL UNIQA ju ofron paketa të ndryshme sigurimi për ...

Individe

Dëshironi të siguroni shëndetin, makinen apo pronën tuaj. Tani ju mund te blini siguracionin tuaj online.

Lexo më shumë

pr_interpr_s213_t1067_i1632

Biznes Micro / SME

Të kesh një biznes të vogël apo të mesëm ka sfidat e veta ndaj në SIGAL UNIQA kemi ndërtuar paketa sigurimi për ju.

Lexo më shumë

despre-cariere-small_s44_t494_i491_s213_t1065_i1618

Korporate

Cdo biznes i cili ka xhiro vjetore mbi 250 milione lek te reja konsiderohet biznes V.I.P ose Biznes Korporate.

Lexo më shumë