Përgatituni

Mbrojtja më e mirë është parandalimi, kështu që njihuni me risqet e mundshme në zonën tuaj dhe se çfarë duhet të bëni në rast emergjencash.

Sigurohuni që të ndërmerrni të gjitha masat paraprake për të mbrojtur pronën tuaj. Për shembull, nëse jetoni në një zonë të ekspozuar ndaj përmbytjeve, shihni se çfarë hapash mund të ndërmerrni për të përforcuar dhe mbrojtur shtëpinë tuaj kundër çdo risku nga përmbytjet.

Bëni kopje të të gjitha dokumenteve, të tilla si pasaportat dhe hipotekën e shtëpisë, dhe ruajini ato në një vend të ndarë për të shmangur humbjen apo dëmtimin e tyre.

Ju duhet të mbani gjithashtu një inventar të përditësar të sendeve tuaja personale dhe të ruani faturat e blerjeve tuaja, në rast se do t’ju duhet të kërkoni dëmshpërblim për një dëm.

Zgjidhni policën e duhur për ju

Të kesh një policë sigurimi do t’ju ndihmojë të mbuloni dëmtimet apo humbjet si pasojë e një katastrofe natyore.

Përpara se të blini një policë sigurimi për katastrofat natyore, kontrolloni se çfarë mund të jetë e mbuluar nga policat ekzisutese të sigurimit që ju mund të keni (p.sh., kontrata e sigurimit të shtëpisë dhe e makinës suaj) për të shmangur mbivendosje të panevojshme në mbulimin tuaj.

Mos u fokusoni vetëm tek çmimi! Sigurohuni që polica që do të zgjidhni të jetë polica e duhur për nevojat tuaja.

Njihuni me mbulimin tuaj

Sigurohuni që të lexoni dhe kuptoni termat dhe kushtet e policës suaj të sigurimit, duke përfshirë çfarë mbulohet dhe se cilat mund të jenë përjashtimet e mundshme.

Nëse kryeni rinovime apo ndonjë përforcim strukturor të pronës suaj, sigurohuni që të informoni siguruesin tuaj në mënyrë që këto ndryshime të reflektohen në policën tuaj të sigurimit.

Kërkesa për dëmshpërblim

Nëse pësoni një dëm si pasojë e një katastrofe natyore, kontaktoni me siguruesin tuaj menjëherë për ndihmë dhe këshillë.

Sigurohuni që të mbani shënim të gjitha detajet e humbjes suaj dhe të bëni fotografi dhe video të dëmtimeve të shkaktuara të cilat do t’ju ndihmojnë me kërkesën për dëmshpërblimin e dëmit tuaj. Mos u nxitoni për të hedhur artikujt e dëmtuar, vetëm në rast se ato përbëjnë kërcënim për shëndetin, pasi mund të jetë i mundur riparimi apo restaurimi i tyre.

Ndërmerrni çdo hap të nevojshëm për zvogëlimin e riskut për dëmtime të mëtejshme të pronës suaj deri sa siguruesi juaj të ketë mundësinë që të inspektojë pronën.

Kërkoni ekspertizë

Siguruesit jo vetëm që ofrojnë mbulimin me sigurim të pronës suaj, por ju ndihmojnë gjithashtu që të përgatiteni dhe mbroni vetveten kundër një katastrofe natyrore. Në disa vende, industrua e (ri)sigurimeve ka zhvilluar hartat e risqeve dhe të zonave të cilat ju ndihmojnë me vlerësimin e riqeve potenciale me të cilat mund të përballeni në rastin e një katastrofe natyrore.

Disa sigurues ofrojnë gjithashtu shërbimet e reduktimit të riskut, të tilla si njoftimet për ngjarjet ekstreme të motit si shirat e rrëmbyeshëm apo breshëri.

Marrë nga: https://www.insuranceeurope.eu/