Vetëm një njohuri e vogël mund të bëjë një diferencë të madhe kur vjen puna për të blerë sigurimin e duhur për të mbrojtur veten dhe familjen tuaj. Gjëja më e mirë është të përgatitesh për më të keqen dhe të shpresosh për më të mirën!

Sigurimi është një mënyrë e manaxhimit të riskut. Kur ju bleni një sigurim, ju transferoni kostot e një risku potencial tek një kompani sigurimi në shkëmbim të një pagese, e njohur ndryshe si“primi i sigurimit”. Ajo që ndodh me kompanitë e sigurimeve është se paratë që ju i depozitoni, pra primin e sigurimit, ato e investojnë në mënyrë të sigurtë, duke bërë kështu që këto fonde të rriten dhe kompanitë të kenë para mjaftueshëm për t’ju paguar (dëmshpërblyer) ju në rast dëmi. Sigurimet ju ndihmojnë:

• Të keni një shtëpi-sepse dhënësit e huave, apo kredidhënësit kanë nevojë të dinë që shtëpia juaj është e siguruar, përndryshe nuk jua japin huanë për të blerë shtëpinë.
• Të ngisni një makinë-sepse vetëm shumë pak njerëz mund të përballojnëta riparojnë nga e para makinën e tyre kur ju dëmtohet, apo më pak akoma ta blejnë të re. Po ashtu shumë persona nuk i përballojnë dot shpenzimet për kujdesin shëndetësor të shkaktuar si pasojë e një përplasjeje me makinë.
• Ju shmang shpenzimet gjyqësoresepse shumë pak persona kanë mundësi të përballojnë shpenzimet ligjore që lidhen me goditjet dhe lëndimet si pasojë e një aksidenti.
• Ju mundëson të mbani të njëjtin standart jetese, nëse ju pësoni një dëmtim apo sëmundje kritike dhe nuk keni mundësi të punoni më.
• Ju mbulon shpenzimet për kujdesin shëndetësor si: vizitat rutinë tek mjeku, check-up, vizitë tek okulisti, analiza, shtrimet në spital, medikamentet, shpenzimet për operacione etj.
• Ju ofron përkujdes financiar për familjen tuaj në rast të ndonjë fatkeqësie të të kryefamiljarit / kryefamiljares.
• Ju mundëson të krijoni një biznes të vogël, duke manaxhuar risqet e sipërmarrësit.
• Ju mundëson pushime pa u shqetësuar për anullimet e fluturimit apo të ndonjë sëmundjeje të mundshme gjatë pushimeve.