Ishte një nga ato netët e zakonshme. Telefoni mbi komodinë, fëmija në gjumë, aroma e kafesë ende e ngulitur në kuzhinë. Dhe papritur, toka nisi të dridhet.
E pamundur të kuptosh në çast çfarë ndodh. Zhurma e objekteve që bien, rënkimi i mureve, britmat e përziera me heshtjen më të thellë: frikën. Nuk mendon për sendet, nuk mendon për kartat bankare, as për çelësat e makinës.
Instinkti të shtyn të kërkosh njerëzit e tu, dritaren më të afërt dhe ndoshta, një copë shpresë që gjithçka të mbarojë shpejt.
Kur toka pushon, trupi të dridhet ende. Shtëpia është ende aty ose jo. Në shumë raste, jo.
Është vetëm atëherë që kuptojmë çfarë ka vërtet rëndësi. Jo markat, jo mobiliet e shtrenjta, as televizori me ekran të madh. Vlera më e madhe është siguria. Aftësia për të nisur nga e para, për të mos mbetur i shkatërruar nga një tronditje, qoftë fizike apo shpirtërore.
Jemi të përgatitur për të ikur, por jo për të vazhduar më pas
Në çdo tërmet që godet Shqipërinë të vogël apo të madh shohim të njëjtin reagim: njerëzit largohen me nxitim nga shtëpitë, shpesh zbathur, me fëmijët në krah. Por shumë pak prej tyre kanë një plan për çfarë ndodh më pas.
Pas goditjes, vjen bilanci: mure të çara, banesa të pabanueshme, dëm ekonomik dhe, për fat të keq, shumë prej tyre pa asnjë mbrojtje financiare. Prona për të cilën janë punuar vite të tëra, humbet në pak sekonda. Dhe me të, shpesh, edhe dinjiteti.
Siguria që nuk vjen nga betoni
Ne shqiptarët kemi një lidhje të fortë emocionale me shtëpinë. Është simbol i stabilitetit, i familjes, i suksesit. Por çfarë ndodh kur shtëpia rrënohet, jo nga duart tona, por nga fuqia e natyrës?
Në vendet e zhvilluara, sigurimi i pronës nga fatkeqësitë natyrore është po aq i domosdoshëm sa vetë akti i ndërtimit. Jo vetëm ngaqë të ndihmon të rifillosh, por sepse të jep një ndjenjë qetësie që nuk mund ta marrë asnjë tërmet.
Zgjedhja që mund ta bëjmë sot
Nuk mund të parashikojmë tërmetet. Por mund të zgjedhi m të mos jemi të pambrojtur kur ato ndodhin.
SIGAL, si lider në tregun e sigurimeve në Shqipëri dhe në rajon, ofron sigurim e pronës nga fatkeqësitë natyrore, përfshirë tërmetet, për çdo banesë, biznes apo pronë tjetër. Është një mburojë që qëndron me ty edhe kur toka lëkundet. Një garanci që, nëse gjithçka tjetër bie, mund të qëndrosh në këmbë.
Në fund të ditës, sendet janë zëvendësuese. Por siguria, qetësia dhe e ardhmja, këto nuk kanë çmim.
Nëse s’kemi kontroll mbi natyrën, të paktën të kemi kontroll mbi pasojat.
📩 Informohu më shumë për sigurimin nga tërmetet në https://sigal.com.al/pasuri-dhe-garanci/sigurimi-i-prones-dhe-pergjegjesise/sigurimi-i-shtepise/
Ose shkruani në WhatsApp +355 68 606 2829
