Punonjësit e SIGAL UNIQA Group Austria vazhdojnë traditën e përvitshme në pastrimin e plazheve në vend.
Pas ditë pas Ditës Botërore të Mjedisit dhe në vigjilje të fluksit turistik, punonjësit e dy degëve të kompanisë në Shkodër ishin sot në plazhin e Velipojës ku për orë me rradhë pastruan zonat më problematike.
Në politikat e saj, SIGAL UNIQA gjithmonë ka mbështetur nismat në dobi të mjedisit pasi për kompaninë më të madhe të sigurimeve në Shqipëri është shumë i rëndësishëm raporti harmonik midis veprimtarisë së përditshme dhe kujdesjes ndaj ambientit.
Prej disa vitesh tashmë SIGAL UNIQA ofron edhe mundësinë e blerjes online të çdo siguracioni në mënyrë që të reduktohet sa më shumë përdorimi i letrës dhe ndikimi në mjedis të jetë sa më minimal.
Kjo fushatë, që synon edhe sensibilizimin e qytetarëve për ta mbajtur sa më pastër ambjentin, do të vijojë edhe në zona të tjera të Shqipërisë.
