Blog

10 KËSHILLA TË RËNDËSISHME KUR UDHËTONI ME FËMIJË

Udhëtimi me fëmijë mund të kthehet shumë shpejt në një aventurë të padëshiruar në rast se ata do të kenë përzierje apo diarre. Këshillat e mëposhtme do të sigurohen që ju të jeni të përgatitur sa më mirë pavarësisht nëse do të jeni në det, mal apo në qytet.

1.       Përpara se të shkoni tek doktori

Përpara fillimit të udhëtimit dhe për t’u siguruar që fëmijët tuaj të kenë mbrojtjen e nevojshme me vaksinim, rekomandohet një vizitë tek pediatri apo doktori juaj. Për më tepër, doktori mund t’ju ndihmojë me informacion se çfarë duhet ë përmbajë ndihma e shpejtë dhe se cilat medikamente duhet të keni me vete.

2.       Merrni me vete kutinë e ndihmës së shpejtë

Kutia e ndihmës së shpejtë duhet të jetë e pajisur me:

  • fasha, leukoplast kundër ujit, piskatore dhe gërshërë
  • dizinfektant
  • termometër klinik
  • medikamente kundër dhimbjeve
  • pomadë kundër pickimit nga insektet dhe djegia nga dielli
  • pomadë për trajtimin dhe shërimin e plagëve
  • pika për veshët
  • pika për sytë
  • medikamentet kundër të përzierave dhe diarresë
  • antibiotikë të ndryshëm (pas këshillimit me doktorin)

3.       Nëse sëmureni gjatë udhëtimit

Nodh që shumë fëmijë sëmuren gjatë udhëtimit. Shpesh fëmijët sëmuren veçanërisht në udhëtime të gjata makinë. Në këtë rast, mund t’ju ndihmojë një shpejtësi e rehatshme udhëtimi dhe pamja nga makina. Është mirë që gjatë udhëtimit të mos konsumoni vakte të rënda dhe ushqime të  tilla si patate të skuqura, pica, etj., dhe produktet e qumshit. Përpara udhëtimit është ideale që të konsumoni bukë dhe fruta. Mos harroni që të konsumoni ujë.

4.       Higjiena kur jeni me pushime

Për fëmijët është veçanërisht e rëndësishme larja e rregullt e duarve, pasi siç e dimë fëmijët e vegjël e prekin shpesh fytyrën e tyre. Duhet të jeni të kujdesshëm kur hani dhe pini. Gjithashtu është më mirë të pini vetëm nga shishe të mbyllura dhe të shmangni kubat e akullit. Konsumoni vetëm ushqime të gatuara, shmangni sallatat dhe frutat e prera apo të qëruara.

5.       Mbrojtja nga dielli

Në det dhe në mal, fëmijët kanë veçanërisht nevojë për mbrojtje të mirë nga dielli dhe që të pinë mjaftueshëm ujë. Për më tepër, mbrojini fëmijët tuaj nga djegia nga dielli nëpërmjet kapeleve, syzeve të diellit dhe kujdesit për veshjen e tyre. Shmangeni diellin e mesditës.

6.       Ndihma e parë për djegien nga dielli dhe kandilët e detit 

Mos dilni në diell pa u lyer më parë me krem për mbrojtjen kundër diellit. Për djegie më të rënda kërkoni trajtim mjekësor. Djegia nga kandilët e detit mund të shkaktojë reagime ekstreme dhe të dhimbshme të lëkurës. Nëse shikoni një kandil në det, nxirrini menjëherë fëmijët nga uji dhe çojini në breg. Uji i ferskët ose dizinfektantët mund ta thellojnë edhe më tej efektin djegës. Pastrojeni me kujdes zonat e prekura të lëkurës me ujë deti ose me uthull. Mbetjet e tentakulave të kandilit të detit mund të hiqen nga lëkura me rërë.

7.       Trajtimi i pickimit nga insektet

Pickimi nga insektet jo vetëm që është acarues, por zonat e pickuara të lëkurës mund të infektohen shpejt. Trajtojini zonat e pickuara dhe/ose të infektuara me krem kundër kruarjes, dizinfektoni zonat e hapura dhe lyejini ato me pomadë.

8.       Mbani me vete dokumentet e nevojshme

Për çdo rast, është mirë që të keni me vete të gjitha dokumentet e nevojshme të udhëtimit si kopje elektronike të aksesueshme në adresën tuaj të e-mail-it, në rast se do t’ju duhet ndonjë e dhënë apo nëse humbisni ndonjë nga dokumentet tuaja gjatë udhëtimit.

9.       Udhëtimi ajror

Sigurohuni që të mbathni veshje të rehatshme dhe të ngrohta kur udhëtoni nga ajri. Mbani me vete diçka për të pirë, si edhe çamçakëz gjatë ngritjes dhe uljes së avionit në mënyrë që të ekuilibroni presionin e veshëve. Nëse udhëtimi juaj do të jetë në një zonë kohore të ndryshme, fëmijët do të mësohen me kohën gjatë udhëtimit, por ju duhet të siguroheni që ata të flenë sa më mirë në ditët e para.

10.   Byzylyku i ndihmës së shpejtë SOS

Ju mund të përdorni byzylykë sigurie me të dhënat e fëmijës dhe të prindërve, në rast se ndonjë nga fëmijët tuaj humbet diku apo nuk mund të komunikojë me ju.

Arkivat

SIGAL UNIQA ju ofron paketa të ndryshme sigurimi për ...

Individe

Dëshironi të siguroni shëndetin, makinen apo pronën tuaj. Tani ju mund te blini siguracionin tuaj online.

Lexo më shumë

pr_interpr_s213_t1067_i1632

Biznes Micro / SME

Të kesh një biznes të vogël apo të mesëm ka sfidat e veta ndaj në SIGAL UNIQA kemi ndërtuar paketa sigurimi për ju.

Lexo më shumë

despre-cariere-small_s44_t494_i491_s213_t1065_i1618

Korporate

Cdo biznes i cili ka xhiro vjetore mbi 250 milione lek te reja konsiderohet biznes V.I.P ose Biznes Korporate.

Lexo më shumë