“SIGAL INSURANCE GROUP” sh.a. shoqëri sigurimi me eksperiencë 27 vjeçare, themeluar më 22 Shkurt 1999, e përfaqësuar me 8 kompani sigurimi jetë dhe jo-jetë, risigurime dhe fond pensionesh që ofron të gjitha klasat e sigurimit me 42 produkte, me rreth 1,500 punonjës dhe agjentë në mbi 900 zyra ku ajo operon dhe zhvillon aktivitetin e saj në 3 shtete: Shqipëri, Kosovë dhe Maqedoninë e Veriut, shpall 1 (një) vend të lirë pune për:
Specialist i analizës së të dhënave, Departamentit i Aktuaristikës
Përmbledhje e detyrave dhe përgjegjësive:
Përpunimi, analizimi dhe rakordimi i të dhënave në kuadër të mbylljeve mujore, përfshirë primet, dëmet dhe risigurimet. Përgatitja e evidencave dhe raporteve periodike, duke siguruar saktësi, koherencë dhe mirëmbajtje të rregullt të databazave përkatëse.
Kriteret që aplikanti duhet të plotesojë janë:
- Arsimimi dhe eksperienca
- Të ketë përfunduar studimet universitare në Statistikë, Matematikë, Aktuaristikë, Ekonomi, Financë ose fusha të ngjashme.
- Të ketë njohuri të mira mbi proceset e sigurimeve, veçanërisht primet, dëmet, risigurimet, dhe raportimin periodik.
- Eksperienca në sektorin e sigurimeve, në aktuaristikë, raportim teknik ose mbyllje mujore, përbën avantazh të rëndësishëm.
- Njohuri profesionale dhe teknike
- Njohuri të mira në aktuaristikë bazë, statistikë dhe analizë të të dhënave të sigurimit.
- Përdorim i mirë i paketës Microsoft Office dhe përdorim i avancuar i Microsoft Excel; njohuritë në Power BI, SQL ose Python përbëjnë avantazh.
- Aftësi për përgatitjen e raporteve, rakordimeve dhe analizave periodike me saktësi dhe vëmendje ndaj detajeve.
- Aftësi personale
- Aftësi të forta analitike dhe vëmendje e lartë ndaj detajeve.
- Aftësi shumë të mira organizative dhe menaxhimi të afateve.
- Aftësi të mira komunikimi dhe bashkëpunimi me departamente të ndryshme të kompanisë.
- Njohje shumë e mirë e gjuhës angleze, me aftësi për të kuptuar dhe përdorur dokumentacion profesional.
Të interesuarit, brenda datës 3.09.2026 të dorëzojnë CV edhe letër reference nga punëdhënësi i mëparshëm (ose punëdhënësi aktual) në adresën zyrtare të e-mail-it: [email protected] ose në postën e shkruar në adresën: SIGAL INSURANCE GROUP; Departamenti Legal & Burimeve Njerëzore; “Qëndra e Biznesit SIGAL”, Bul.“Zogu I”, Nr. 1, Tiranë ose na kontaktoni në numrin e telefonit 04 22 333 08.
