“SIGAL INSURANCE GROUP” sh.a. shoqëri sigurimi me eksperiencë 27 vjeçare, themeluar më 22 Shkurt 1999, e përfaqësuar me 8 kompani sigurimi jetë dhe jo-jetë, risigurime dhe fond pensionesh që ofron të gjitha klasat e sigurimit me 42 produkte, me rreth 1,500 punonjës dhe agjentë në mbi 900 zyra ku ajo operon dhe zhvillon aktivitetin e saj në 3 shtete: Shqipëri, Kosovë dhe Maqedoninë e Veriut, shpall 1 (një) vend të lirë pune për:
Menaxher Marrje ne sigurim produktet Shëndet, Jetë dhe Pensione, Durrës
Roli dhe Përgjegjësitë:
- Prezanton, promovon dhe ofron produktet e Sigurimit të Shëndetit, Jetës dhe Pensionit Privat, duke informuar klientët mbi karakteristikat e produkteve, përfitimet, kushtet e sigurimit, si dhe procedurat e anëtarësimit në Fondin e Pensionit SIGAL.
- Identifikon klientët të cilëve u ka përfunduar afati i pagesës së kontributeve për Pensionin Privat dhe ndërmerr veprimet e nevojshme për njoftimin dhe riaktivizimin e llogarive të tyre në fond.
- Harton dhe paraqet raporte periodike me shkrim mbi aktivitetin e zhvilluar, rezultatet e arritura dhe problematikat e evidentuara, pranë Drejtorit të Departamentit të Shëndetit, Jetës dhe Pensioneve Private.
- Dorëzon në kohë evidencat dhe dokumentacionin përkatës për kontratat e lidhura pranë Departamentit të Shëndetit, Jetës dhe Pensioneve Private, duke garantuar saktësinë dhe plotësinë e tyre.
- Identifikon, monitoron dhe zhvillon kontakte të vazhdueshme në terren me individë dhe subjekte tregtare që paraqesin potencial për sigurim dhe anëtarësim në fondet e pensionit.
- Zbaton politikat, procedurat dhe udhëzimet e shoqërisë për pranimin në sigurim, duke siguruar realizimin e objektivave të shitjes dhe plotësimin korrekt të dokumentacionit për çdo kontratë të Sigurimit të Shëndetit, Jetës dhe Pensionit
Kriteret që duhet të plotësohen janë:
- Të ketë mbaruar arsimin e lartë
- Eksperiencë punë si menaxher ose drejtues në biznes privat ose në institucione publike, mbi 2 vjet.
- Preferohet punësim i mëparshëm në institucione financiare.
- Njohuri shumë të mira kompjuterike në programet e paketës Microsoft Office.
- Njohuri shumë të mira të gjuhës Angleze (të shkruar dhe të folur). Gjuhët e tjera përbëjnë avantazh
- Përvojë në dhënien e zgjidhjeve të fokusuara tek klienti dhe në mbajtjen e komunikimeve me klientët
- Të kenë aftësi shumë të mira komunikuese, të jenë të përkushtuar dhe dinamik, me mirësjellje dhe efektivitet.
Të interesuarit, brenda datës 23.07.2026 të dorëzojnë CV edhe letër reference nga punëdhënësi i mëparshëm (ose punëdhënësi aktual) në adresën zyrtare të e-mail-it: [email protected] ose në postën e shkruar në adresën: SIGAL INSURANCE GROUP; Departamenti Legal & Burimeve Njerëzore; “Qëndra e Biznesit SIGAL”, Bul.“Zogu I”, Nr. 1, Tiranë ose na kontaktoni në numrin e telefonit 04 22 333 08.
