Prej disa ditësh tashmë në të gjithë vendin po qarkullojnë viroza të shoqëruara me dhimbje fyti, kollë dhe temperaturë. Kjo tregon që ftohjet nuk janë vetëm rendi i dimrit, por edhe i verës.
Por ekziston një ilaç për viruset dhe bakteret i cili gjendet lehtësisht në kushte shtëpie. Një dietë e pasur me vitamina dhe lëndë ushqyese është zgjidhja e duhur. Frutat, perimet dhe ushqimet e gjelbra kanë aftësinë të forcojnë sistemin imunitar.
Po cilat janë bimët që përmirësojnë vërtetë sistemin imunitar?
Përgjithësisht të gjitha bimët që përmbajnë efekte antibakteriale ose antivirale. Është pikërisht ky efekt që na sjell dobi edhe ne njerëzve nëpërmjet “diversioneve” të ushqimit. Avantazhi: lëndët ushqyese që ne i konsumojmë në formën e tyre natyrale në ushqim përthithen më mirë nga trupi sesa të gjithë ata që marrim në formë të izoluar.
Ushqimet bimore që ndihmojnë në këtë proces:
Hudhra: Është superhero i vërtetë përsa i përket kujdesit shënderësor falë alicinës. Alicina ka veti anti-inflamatore dhe antioksidante dhe mund të rrisë aktivitetin e qelizave mbrojtëse të sistemit imunitar. Hudhra gjithashtu përmban sasi të larta të selenit dhe vitaminës C, gjithashtu thelbësore për sistemin imunitar.
Majdanoz: Nëse mendoni se vetëm limonët janë burim i vitaminës C, e keni gabim. 100 g majdanoz përmbajnë 140 mg vitaminë. Pa dyshim, vështirë se dikush ha 100 g majdanoz, por përdorimi i rregullt i tij është një fillim i mirë.
Specat: Specat janë gjithashtu një burim i shkëlqyeshëm i vitaminës C. Vetëm 25 gramë speca të kuq mbulojnë nevojën ditore të kësaj vitamine. Përveç kësaj, perimet janë të pasura me minerale si kalium, magnez dhe zink.
Mjalti: Dihet mirë se mjalti ndihmon me një sërë sëmundjesh (nga dhimbja e fytit deri tek pagjumësia). Ajo gjithashtu ka një efekt anti-inflamator dhe antibakterial. Por kujdes: përbërësit e vlefshëm nuk janë rezistent ndaj nxehtësisë. Nëse e ëmbëlsoni çajin me mjaltë, duhet të paktën ta lini të ftohet pak para se ta pini.
Xhenxhefili: Kjo bimë ekzotike, të cilën mjekësia tradicionale kineze e ka përdorur prej shekujsh, po bëhet gjithashtu gjithnjë e më popullore në përdorim dhe kjo është një gjë e mirë. Zhardhoku ka efekte antivirale dhe anti-inflamatore dhe aktivizon aktivitetin e zorrëve.
