Teksa makinat po kthehen më shumë në një platformë kompjuterike dhe një nyje në rrjet – sesa një automjet i vetëm – ardhësit e rinj të tillë si Apple, Google, dhe Uber mund të jenë ato që do të udhëheqin transportin e së ardhmes. Në thelb, teknologjia e informacionit nuk do të integrohet më në makinë gjatë ndërtimit të tyre; makinat do të ndërtohen rreth teknologjisë së informacionit.

Mbledhja dhe analizimi i të dhënave do të kthehen në një faktor ekonomik jetësor për prodhuesit e së nesërmes dhe për operatorët e automjeteve autonome.

Analizimi se ku duan që të shkojnë pasagjerët – dhe se kur – do të ofrojë këndvështrime të vlefshme mbi sjelljen individuale dhe atë sociale të njerëzve. Të kuptuarit se ku dëshirojnë që ta kalojnë kohën pasagjerët në kohën e tyre të lirë në një botë me makina autonome – puna, video-games, pazaret etj – gjithashtu do të jenë shumë të vlefshme. Të dhënat e lëvizshmërisë do të jenë ndoshta komoditeti më i vlefshëm në industrinë automotive të së ardhmes.

Prodhuesit e mëdhenj të sotshëm të automjeteve do të bashkëpunojnë me kompanitë dixhitale për të krijuar lloje të reja automjetesh të cilat do të ofrojnë lëvizshmërinë personale të vitit 2040. Partneritete të tilla kanë filluar që tani.

Ajo që dinë tani të gjithë prodhuesit e makinave është se të gjitha makinat e së ardhmes do të jenë elektrike dhe autonome, dhe industria tani e ka kuptuar se fuqia e madhe e rritjes së shpejtë të tregut kinez do të jetë gjithashtu një ndikim i rëndësishëm në dizenjimin dhe zhvillimin e automjeteve të së ardhmes.