Blog

IMPAKTI I INTELIGJENCËS ARTIFICIALE

Koha e leximit: 3 minuta

Sistemet e Inteligjencës Artificiale (IA) tashmë kanë provuar që janë po aq të afta sa doktorët njerëz për diagnostikimin e disa sëmundjeve dhe kushteve të kufizuara dhe specifike por, me përmirësimin e teknologjisë në shpejtësi dhe aftësi, numri dhe gama e sëmundjeve që mund të diagnostikohen nga IA-ja do të rritet me shpejtësi.

Një nga përfitimet më të mëdha të përdorimit të sistmeve të IA-së në mjekësi është se IA-ja ka potencialin për të zhbllokuar informacionin të fshehur, klinikisht të rëndësishëm nga sasi të mëdha të dhënash të cilat, në këmbim, mund të asistojnë në vendimmarrjet klinike. Një formë e dytë e IA-së, e njohur si të mësuarit përmes makinerive, mund të mësojë nga këto të dhëna masive me qëllim përmirësimin e saktësisë së vendimarrjeve të tij.

Sot, IA-ja po përdoret për leximin e skanimeve mjekësore për zbulimin e kancereve, për të diagnostikuar sëmundjen e Alzhaimerit, për të shfletuar miliona faqe evidencash mjekësore për të sugjeruar diagnoza, për të ofruar shërbime infermierie virtualisht dhe për të ndihuar zhvillimin e ilaçeve nga kompanitë farmaceutike.

IA-ja është duke ofruar gjithashtu algoritme për përmirësimin dhe përshpejtimin e skanimeve MRI, dhe madje edhe për të krijuar fotografi 3D të zemrës duke rrahur (ndërkohë që, gjithashtu tregon në kohë reale se sa shumë gjak pompohet me çdo kontraktim). Automatizimi i fuqizuar nga IA-ja, ka potencialin për të rritur produktivitetin në kujdesin shëndetësor, duke i çliruar doktorët dhe infermierët nga aktivitetet e tyre rutinore. Në të ardhmen, kutizat e chat-eve të fuqizuara nga IA -ja, do të jenë të pajisura me algoritme të të mësuarit.

Instituti Global McKinsey ka parashikuar që efiçienca operacionale e mundësuar nga IA-ja mund të përfaqësojë kursime të konsiderueshme për buxhetin e kujdesit shëndetësor në vendet e zhvilluara. Vlerësimet për Shtetet e Bashkuara të Amerikës variojnë nga 1 deri ne 2 përqind të Prodhimit të Brendshëm Bruto (PBB). Në vende të tjera të pasura, kursimet e vlerësuara mund të jenë ndërmjet 0.5 deri në 1 përqind të PBB-së. Adoptimi i plotë i IA-së mund të rrisë produktivitetin e infermierëve të regjistruar nga 40 deri në 50 përqind. Kërkimet McKinsey kanë gjetur se, kjo mund t’i lejojë spitalet që të shkurtojnë shpenzimet e stafit, duke reduktuar në të njëjtën kohë konsiderueshëm vet kohën e pritjes së pacientëve.

Arkivat

SIGAL UNIQA ju ofron paketa të ndryshme sigurimi për ...

Individe

Dëshironi të siguroni shëndetin, makinen apo pronën tuaj. Tani ju mund te blini siguracionin tuaj online.

Lexo më shumë

pr_interpr_s213_t1067_i1632

Biznes Micro / SME

Të kesh një biznes të vogël apo të mesëm ka sfidat e veta ndaj në SIGAL UNIQA kemi ndërtuar paketa sigurimi për ju.

Lexo më shumë

despre-cariere-small_s44_t494_i491_s213_t1065_i1618

Korporate

Cdo biznes i cili ka xhiro vjetore mbi 250 milione lek te reja konsiderohet biznes V.I.P ose Biznes Korporate.

Lexo më shumë