Përpara fillimit të zjarrit:

• Pastroni gjethet dhe mbetjet nga ulluqet, kuvertat dhe mjediset afër shtëpisë suaj.
• Pastroni pemët dhe mjediset afër shtëpisë suaj.
• Shkurtoni degët e pemëve që ndodhen në kopshtin tuaj.
• Mbajini drutë e zjarrit dhe lëndet e djegshme në një vend të sigurt.
• Hartoni një plan evakuimi në rast emergjencash. Ju duhet të dini paraprakisht se çfarë do të merrni me vete dhe se ku do të shkoni (nëse është e mundur).
• Merrni me vete gjërat më të rëndësishme si: dokumentet dhe ilaçet, dhe më shumë nëse keni kohën e mjaftueshme për të bërë këtë.

Nëse zjarri po vjen në drejtimin tuaj:

• Ndiqi me kujdes njoftimet për evakuimet nga autoritetet zyrtare. Kini kujdes që të mos tregoheni të pavëmendshëm ndaj këtyre lajmeve.
• Ju duhet të dini rrugën e evakuimit dhe një plan se ku do të shkoni.
• Mos harroni të merrni masat e nevojshme edhe për kafshët që mund të keni.
• Largoni të gjitha materialet e djegshme larg nga shtëpia dhe mjediset afër shtëpisë suaj.
• Mbyllni të gjitha dyert dhe dritaret.
• Mos harroni që të fikni gazin natyror.
• Mbushni rezervuarë të mëdhenj me ujë si: pishinën, kazanët e pelhrave, vaskën etj. Këto mund të ndihmojnë me ngadalësimin e zjarrit apo edhe shurjen e tij.
• Paketoni për të marrë me vete gjërat më të rëndësishme si: furçën dhe pastën e dhëmbëve, pelenat e fëmijëve, pak veshje për t’u ndërruar, kuletën dhe çantën, dokumentet e rëndësishme, etj. Mos harroni ilaçet!

Qëndroni të sigurt dhe gati!

Me këto pak këshilla, ju mund të shpëtoni jetën dhe pronën.