Dimri po afron dhe vozitja në këtë periudhë nënkupton më shumë sfida. Rrugët bëhen më të rrezikshme dhe të rrëshqitshme, mjegulla apo shiu mund të ulin kthjellshmërinë e rrugës, moti i ftohtë mund të ndikojë në “shëndetin” e makinës tuaj.
Është e domosdoshme të përdorni teknika të sigurta të drejtimit dhe të jeni të përgatitur kur të vijë dimri.
Bora, akulli apo moti i paqëndrueshëm rrisin rrezikun e aksidenteve dhe përplasjeve. Këtu janë disa këshilla për t’u siguruar që ju dhe automjeti juaj të jeni të përgatitur për periudhën dimërore.
1-Monitoroni parashikimin e motit për ditët kur ju duhet të merrni makinën. Nëse pritet një mot i paqëndrueshëm, mundohuni ta shmangni atë aks apo edhe udhëtimin tuaj.
2-Përqendrojuni në detaje. Bateritë e makinave dobësohen në të ftohtë. Zakonisht pas 3 dimrave, ka nevojë për një zëvendësim të mundshëm. Sigurohuni që uji i xhamave dhe antifrizi i motorit janë plot.
3-Bëni gati pajisjet e dimrit, si kabllot e baterisë, një furçë që kreh akullin, një lopatë e vogël, një elektrik, një karikues telefoni, ujë të pijshëm dhe ushqime. Sigurohuni që para se të niseni për rrugë keni karburant mjaftueshëm.
4-Paketoni furnizime në raste urgjence. Është ende herët në Shqipëri për të folur për akull apo dëborë, por batanijet ose qirinjtë e vegjël mund të ngrohin pjesën e brendshme të makinës nëse jeni të bllokuar.
