Në një intervistë për median austriake “Trend” CEO i “UNIQA Insurance Group”, Andreas Brandstetter ka folur ndër të tjera mbi investimet që grupi që ai kryeson po bën kryesisht në shëndetësi.
Sipas Brandstetter, në sajë të investimeve të rëndësishme, rreth 50 milionë euro në vit, UNIQA u mundëson 4 milionë klientëve të saj në Austri dhe 16 milionë në Europë, mundësinë e marrjes së shërbimeve shëndetësore nga një burim i vetëm.
“Po zhvillojmë shërbime për njerëz të shëndetshëm, pra për parandalim. Dy shembuj të kësaj janë ekzaminimet parandaluese gjithnjë e më të rëndësishme ose testet në shtëpi që sapo përmendëm. Dhe nga ana tjetër investojmë shumë edhe në “riparime” mjekësore të shpejta dhe të klasit të parë.
Kjo është arsyeja pse po investojmë miliona euro për vitet e ardhshme me qëllim zgjerimin e një nga 5 spitaleve tona private, përkatësisht klinikën private Döbling në Vjenë.
Shifrat tregojnë se ne po investojmë shumë për klientët tanë, rreth 50 milionë euro në vit”, shprehet ndër të tjera CEO i “UNIQA”.
INTERVISTA:
Ju dëshironi të zgjeroni UNIQA-n drejt një ofruesi të kujdesit shëndetësor. Pse nuk ju mjafton më sigurimi me disa spitale private?
Andreas Brandstetter: Sepse nuk mjafton më për klientët tanë. Aktualisht punojmë për 16 milionë klientë në të gjithë Evropën, rreth 4 milionë prej të cilëve jetojnë në Austri. Nën markën tonë të re Mavie, ne ju ofrojmë më shumë shërbime shëndetësore nga një burim i vetëm.
Fokusi aktual: shëndeti mendor, testet në shtëpi për shëndetin parandalues dhe kujdes 24 orë të ditës në 7 ditë të javës.
Sa para dëshironi të investoni në zgjerimin e sektorit të kujdesit shëndetësor në vitet e ardhshme?
Andreas Brandstetter: Ne kemi dy drejtime: Nga njëra anë, zhvillojmë shërbime për njerëz të shëndetshëm, pra për parandalim. Dy shembuj të kësaj janë ekzaminimet parandaluese gjithnjë e më të rëndësishme ose testet në shtëpi që sapo përmendëm. Dhe nga ana tjetër investojmë shumë edhe në “riparime” mjekësore të shpejta dhe të klasit të parë.
Kjo është arsyeja pse po investojmë 60 milionë euro për vitet e ardhshme me qëllim zgjerimin e një nga 5 spitaleve tona private, përkatësisht klinikën private Döbling në Vjenë.
Shifrat tregojnë se ne po investojmë shumë për klientët tanë, rreth 50 milionë euro në vit.
Me Mavie Next ju keni krijuar njësinë tuaj inovative për çështjet shëndetësore. Cilat janë sfidat?
Andreas Brandstetter: Gjërat nuk mund të ecin aq shpejt, sepse zhvillimet globale në fushën e shëndetit, veçanërisht ato dixhitale, po përparojnë shumë shpejt. Kështu që nuk duhet humbur kontakti!
Ajo që kemi tashmë në portofolin tonë, ne jemi lider në Austri dhe me Mavie Work në fushën e shëndetit në punë, ne duam të vazhdojmë të rritemi. Duke investuar në Biome Diagnostics, ne kemi bërë një hap përpara. Po bashkojmë testet e gjakut të marra në shtëpi me testet e mikrobiomës së zorrëve nga Biome Diagnostics nën emrin Mavie me, sepse ne besojmë se informacioni mbi gjëndjen shëndetësore të dikujt është shumë i rëndësishëm pasi është pjesë e parandalimit.
Çfarë rëndësie duhet të ketë sektori shëndetësor për Uniqa-n në planin afatgjatë?
Andreas Brandstetter: Mënyra se si do të zhvillohet ekosistemitshëndetësor për grupin në afat të gjatë varet nga sa mirë dhe shpejt mund të zhvillojmë shërbime të klasit të parë për klientët tanë.
UNIQA Insurance Group, një ndër kompanitë më të njohura të sigurimeve në Evropë, e themeluar në vitin 1811, prej marsit 2007 është pjesë edhe e tregut rajonal të sigurimeve, në Shqipëri, Kosovë dhe Maqedoninë e Veriut përmes Grupit “SIGAL UNIQA”.
“UNIQA” numëron mbi 16 milionë klientë në 17 shtete të ndryshme të Europës ndërsa është vlerësuar së fundmi nga “Standard & Poor’s” me “A”.
UNIQA Insurance Group solli për herë të parë në Shqipëri, përmes SIGAL UNIQA, Sigurimin Privat të Shëndetit ndërsa sot kjo e fundit numëron mbi 1,2 milionë klientë në tre shtete duke qenë lider e sigurimeve në rajon dhe një prej 50 më të mëdhave në Evropën Juglindore.
