Shiu i verës shkakton gjithmonë të papritura në rrugë, sidomos në rastet kur shoqërohet me rrebeshe të menjëhershme pa paralajmërim.

Shiu i dendur mund të prodhojë akumulim të mjaftueshëm të ujit për të shkaktuar përmbytje të rrugëve, gjë që e bën shumë të vështirë vozitjen e makinës. Kryqëzimet e ulëta në të gjithë qytetin janë veçanërisht të prekshme nga përmbytjet. Pavarësisht nëse jeni duke vozitur një makinë, një biçikletë ose duke ecur, nuk është kurrë një ide e mirë të hyni në një rrugë të përmbytur.

Jini të përgatitur në këto situata të mundshme dhe mbani mend këto këshilla drejtimi:

Qëndroni në shtëpi nëse mundeni

Shmangni vozitjen në kushte shiu të dendur nëse është e mundur. Kontrolloni kushtet e motit përpara se të dilni nga shtëpia dhe rishikoni hartën e trafikut në zona të caktuara.

Lini hapësirë pas makinës që keni përpara

Rritja e distancës së ndjekjes së makinës që keni përpara, u mundëson drejtuesve të mjeteve të reagojnë shpejt nëse është e nevojshme.

Ngadalësoni shpejtësinë

Ngasja e makinën më ngadalë në mot të lagësht i ndihmon drejtuesit të zvogëlojnë mundësinë e hidraplanimit të rrezikshëm. Ngadalësimi i shpejtësisë është domosdoshmëri për sigurinë.

Respektoni disa rregulla bazë të qarkullimit

Drejtimi i makinës me fenerë të ndezur mund të zvogëlojë në mënyrë drastike shanset për një aksident të mundshëm.

Kontrolloni gomat

Nëse ju duhet të lëvizni në shi, vozitja me goma të konsumuara ju vështirëson më tepër lëvizjen.

Asnjëherë mos vozisni nëpër rrugë të përmbytura

Një shtresë e bollshme uji ka potencialin për të bllokuar motorin e makinës tuaj. Merrni një rrugë alternative dhe mos ndërmerrni rreziqe.