Rreth 1.4 milionë njerëz në Austri i besojnë UNIQA-s shëndetin e tyre, duke e bërë kompaninë kompaninë më të madhe sa i përket sigurimit shëndetësor.
“Në mënyrë që klientët të marrin mbështetje optimale, ne po ndërtojmë një rrjet partnerësh në mbarë Austrinë. Ai përbëhet nga ofrues të ndryshëm të shërbimeve shëndetësore – mbi të gjitha, mjekë të zgjedhur”, thotë René Knapp, Anëtar Bordi për Sigurimet Personale në UNIQA Insurance Group AG.
Në zgjerimin e rrjetit “LARA”, UNIQA tashmë po mbështetet gjithnjë e më shumë në bashkëpunimin me qendrat mjekësore.
“Në qendrat tona partnere mjekësore, një gamë e gjerë shërbimesh mjekësore ofrohet shpejt dhe lehtë – të gjitha nën një çati. Në terma konkretë, kjo do të thotë: kujdes mjekësor me takime të shpejta me mjekët tanë, kujdes fillestar i shpejtë jashtë orarit normal të punës, diagnostikim gjithëpërfshirës, ekzaminime të detajuara parandaluese me UNIQA VitalCheck apo edhe kontrolle të shkencës sportive”, shpjegon Knapp.
“Competence Center Health St. Stephan Wels”, qendra e re partnere mjekësore UNIQA
Deri më sot, UNIQA u ka ofruar klientëve të saj katër Qendra Mjekësore Partnere në të gjithë Austrinë (dy në Vjenë, një në Styria dhe një në Vorarlberg). Ndërsa tashmë, Qendra e Kompetencës Shëndetësore St. Stephan Wels është qendra e parë partnere mjekësore UNIQA në Austrinë e Epërme.
“Jam i kënaqur që arritëm bashkëpunimin me Qendrën Shëndetësore të Kompetencës Shën Stefan në Wels si qendrën e parë partnere mjekësore UNIQA në Austrinë e Epërme. Kjo na lejon të forcojmë vendndodhjen në Austrinë e Epërme dhe të zgjerojmë më tej ofertën mjekësore për klientët tanë”, thekson Alexander Schinnerl, Drejtor i UNIQA në Austrinë e Epërme.
Me mbi 40 mjekë dhe terapistë nga disiplina të ndryshme, kjo qendër ofron shërbime gjithëpërfshirëse diagnostikuese dhe terapeutike.
Si një partner i kujdesit akut, kjo qendër ofron ndihmë të shpejtë mjekësore edhe jashtë orarit të punës, në fundjavë dhe në ditë festash.
“Ekipi ynë prej më shumë se 100 punonjësish ofron një ofertë mjekësore gjithëpërfshirëse, ndërdisiplinore në një sipërfaqe prej 6,500 m². E shohim këtë zhvillim të mëtejshëm si konfirmim të bashkëpunimit të mëparshëm të suksesshëm me UNIQA, i cili vlerësohet nga shumë klientë”, thotë Dr. Andreas Artmann, koordinator mjekësor i Qendrës së Kompetencës Shëndetësore St. Stephan Wels.
“Më shumë shërbime të kujdesit shëndetësor nga një burim i vetëm”, Brandstetter: Po investojmë rreth 50 milionë euro çdo vit
Në një intervistë të mëparshme për median austriake “Trend”, CEO i “UNIQA Insurance Group”, Andreas Brandstetter, do të fliste ndër të tjera mbi investimet që grupi që ai kryeson po bën kryesisht në shëndetësi.
Sipas Brandstetter, në sajë të investimeve të rëndësishme, rreth 50 milionë euro në vit, UNIQA u mundëson 4 milionë klientëve të saj në Austri dhe 17 milionë në Europë, mundësinë e marrjes së shërbimeve shëndetësore nga një burim i vetëm.
“Po zhvillojmë shërbime për njerëz të shëndetshëm, pra për parandalim. Dy shembuj të kësaj janë ekzaminimet parandaluese gjithnjë e më të rëndësishme ose testet në shtëpi që sapo përmendëm. Dhe nga ana tjetër investojmë shumë edhe në “riparime” mjekësore të shpejta dhe të klasit të parë.
Kjo është arsyeja pse po investojmë miliona euro për vitet e ardhshme me qëllim zgjerimin e rrjetit mjekësor.
Shifrat tregojnë se ne po investojmë shumë për klientët tanë, rreth 50 milionë euro në vit”, do të shprehej ndër të tjera CEO i “UNIQA”.
UNIQA INSURANCE GROUP
UNIQA Insurance Group është një ndër kompanitë më të njohura të sigurimeve në Evropë.
Ajo numëron mbi 17 milionë klientë në 17 shtete të ndryshme të Europës ndërsa është vlerësuar së fundmi nga “Standard & Poor’s” me “A”.
E themeluar në vitin 1811, prej marsit 2007 është pjesë edhe e tregut rajonal të sigurimeve, në Shqipëri, Kosovë dhe Maqedoninë e Veriut përmes Grupit “SIGAL UNIQA”.
UNIQA Insurance Group solli për herë të parë në Shqipëri, përmes SIGAL UNIQA, Sigurimin Privat të Shëndetit ndërsa sot kjo e fundit numëron rreth 1,5 milionë klientë në tre shtete duke qenë lider e sigurimeve në rajon dhe një prej 50 më të mëdhave në Evropën Juglindore.
